मृणाल ठाकूर बायोग्राफी 2025 : संपत्ती, चित्रपट, कुटूंब, पुरस्कार आणि बरेच काही

मृणाल ठाकूर यांचा जन्म १ ऑगस्ट १९९२ रोजी महाराष्ट्रातील धुळे येथे झाला. ती एका मराठी कुटुंबात वाढली, त्यामुळे तिच्या व्यक्तिमत्त्वावर आणि जीवनशैलीवर मराठी संस्कृतीची छाप दिसून येते. तिचे वडील उदयसिंग ठाकूर हे युनियन बँक ऑफ इंडियामध्ये सहाय्यक महाव्यवस्थापक होते. आई गृहिणी असून, तिला एक मोठी बहीण आणि एक लहान भाऊ आहे.

नाव	मृणाल ठाकूर
जन्म	१ ऑगस्ट १९९२, धुळे, महाराष्ट्र
वय	३३ वर्षे ( २०२५ पर्यंत )
शिक्षण	B. Tech ( मास मिडिया )
बाबा	उदयसिंह ठाकूर
आई	वंदना ठाकूर
बहीण	लोचन ठाकूर
भाऊ	मंदार ठाकूर
चित्रपट पर्दापण	हॅलो नंदन ( २०१४ )
व्यवसाय	अभिनय, मॉडेलिंग
धर्म	हिंदू
मातृभाषा	मराठी
उंची	५ फुट ५ इंच
वैवाहिक जीवन	अविवाहीत
निव्वळ संपत्ती	३३ करोड

शिक्षण :

मृणाल हिचे शालेय शिक्षण सेंट जोसेफ कॉन्व्हेंट स्कूल, जळगांव येथे झाले, नंतर तिचे उच्च शिक्षण वसंत विहार हायस्कूल, मुंबई येथे झाले. तिने किशनचंद चेलाराम कॉलेज, मुंबई येथून मास मीडिया विषयात पदवी घेतली. शिक्षण घेत असतानाच तिने अभिनय क्षेत्रात करिअर करण्याचा निर्णय घेतला.

करिअरची सुरुवात :

मृणाल ठाकूर यांनी आपल्या करिअरची सुरुवात टेलिव्हिजन मालिकेमधून केली. २०१२ मध्ये तिने “मुझसे कुछ कहती… ये खामोशियां” या स्टार प्लसवरील मालिकेत गौरी भोसलेची मुख्य भूमिका साकारली. त्यानंतर २०१४ मध्ये झी टीव्हीवरील “कुमकुम भाग्य” या लोकप्रिय मालिकेत बुलबुल अरोरा खन्नाची भूमिका साकारून तिने प्रेक्षकांची मने जिंकली. बुलबुलच्या व्यक्तिरेखेमुळे मृणाल घराघरात लोकप्रिय झाल्या आणि त्यांना मोठी ओळख मिळाली.

२०१४ मध्ये त्यांनी “हॅलो नंदन” या मराठी चित्रपटातून चित्रपटसृष्टीत पदार्पण केले. मराठी भाषेतील आपल्या पहिल्याच चित्रपटातून त्यांनी आपल्या अभिनय कौशल्याचे प्रदर्शन केले आणि मराठी प्रेक्षकांच्या हृदयात स्थान निर्माण केले. त्यानंतर त्यांनी “लव्ह सोनिया” (२०१८) या आंतरराष्ट्रीय चित्रपटात मुख्य भूमिका साकारली. या चित्रपटात त्यांनी मानवी तस्करीच्या समस्येवर प्रकाश टाकणाऱ्या खेड्यातील मुलीची भूमिका केली होती.

२०१९ मध्ये मृणाल यांनी “सुपर ३०” या चित्रपटातून बॉलिवूडमध्ये पदार्पण केले. या चित्रपटात त्यांनी हृतिक रोशनसोबत काम केले. त्याच वर्षी त्यांनी “बाटला हाऊस” या चित्रपटातही महत्त्वाची भूमिका साकारली. मृणाल यांनी तेलुगू चित्रपटसृष्टीतही आपली छाप पाडली. २०२२ मध्ये आलेल्या “सीता रामम” या चित्रपटातील त्यांच्या भूमिकेसाठी त्यांना फिल्मफेअर पुरस्कार मिळाला. या चित्रपटाने त्यांना तेलुगू प्रेक्षकांमध्ये लोकप्रियता मिळवून दिली.

प्रमुख चित्रपट :

“लव्ह सोनिया” (२०१८) :

मृणाल ठाकूर यांचा पहिला हिंदी चित्रपट ‘लव्ह सोनिया’ हा होता. हा चित्रपट मानवी तस्करीसारख्या गंभीर सामाजिक मुद्द्यावर आधारित होता. या चित्रपटात त्यांनी एका खेडेगावातील निरागस मुलीची भूमिका साकारली, जी एका गंभीर समस्येत अडकते. या चित्रपटातील त्यांच्या अभिनयाला राष्ट्रीय आणि आंतरराष्ट्रीय स्तरावर प्रशंसा मिळाली.

“सुपर ३०” (२०१९) :

हा चित्रपट बिहारमधील गणित शिक्षक आनंद कुमार यांच्या जीवनावर आधारित होता, ज्यांनी गरीब मुलांना IIT प्रवेश परीक्षेसाठी मोफत प्रशिक्षण दिले. या चित्रपटात मृणालने आनंद कुमारच्या पत्नीची भूमिका साकारली. हा चित्रपट बॉलिवूडमध्ये एक सुपरहिट ठरला. मृणाल यांनी प्रसिद्ध अभिनेता ‘हृतिक रोशन’ यांच्यासोबत “सुपर ३०” या चित्रपटात काम केले.

“बाटला हाऊस” (२०१९) :

या चित्रपटात मृणाल यांनी अभिनेता ‘जॉन अब्राहम’ सोबत काम केले. चित्रपटाची कथा २००८ मधील बाटला हाऊस एनकाउंटरवर आधारित होती. मृणाल यांनी या चित्रपटात एका पत्रकाराची भूमिका निभावली, जिथे त्यांच्या सशक्त सादरीकरणाने चित्रपटाला आणखी ताकद दिली.

“तूफान” (२०२१) :

तूफान या चित्रपटात मृणाल यांनी प्रसिद्ध अभिनेता ‘फरहान अख्तर’ सोबत काम केले. हा चित्रपट एका बॉक्सरच्या जीवनावर आधारित होता, जिथे मृणाल यांची भूमिका प्रेरणादायी होती. त्यांनी अंजली मेहता ही भूमिका निभावली, जिच्या भावनिक प्रवासामुळे प्रेक्षकांना खूप प्रेरणा मिळाली.

Visit Our Website https://biographykatta.com

“जर्सी’’ (२०२२) :

हा चित्रपट एका निवृत्त क्रिकेटपटूच्या संघर्षावर आधारित होता. हा चित्रपट तेलुगू चित्रपट ‘जर्सी’ (२०१९) चा हिंदी रिमेक होता. मृणालने यात शाहिद कपूरच्या पत्नीची भूमिका करत आपल्या अभिनयाची छाप सोडली.

“सीता रामम” (२०२२) :

मृणाल यांनी ‘दुलकीर सलमान’ सोबत “सीता रामम” या तेलुगू चित्रपटात मुख्य भूमिका साकारली. या चित्रपटात त्यांनी सीता महालक्ष्मीची भूमिका केली, जिच्या अभिनयाने त्यांनी प्रेक्षकांच्या मनावर अधिराज्य केले. हा चित्रपट एक प्रेमकथा असून ती एका सैनिकाच्या आयुष्याभोवती फिरते. या चित्रपटासाठी मृणाल यांना ‘फिल्मफेअर सर्वोत्कृष्ट अभिनेत्री पुरस्कार (तेलुगू)’ मिळाला, ज्यामुळे त्यांची तेलुगू चित्रपटसृष्टीतही ओळख निर्माण झाली.

“गुमराह” (२०२३) :

हा एक क्राईम थ्रिलर चित्रपट आहे. मृणालने एका पोलिस अधिकाऱ्याची भूमिका साकारली होती, जी एका गुन्ह्याची चौकशी करत असते. तिने पहिल्यांदाच एका पोलिस अधिकाऱ्याची भूमिका निभावली. तिने या चित्रपटाद्वारे स्वतःला एका वेगळ्या शैलीच्या अभिनयात आजमावले.“हाय नाना” (२०२३) – ह्या चित्रपटात मृणाल नानीसोबत प्रमुख भूमिकेत दिसणार आहे. हा चित्रपट एका कुटुंबाच्या हृदयस्पर्शी भावनिक प्रवासावर आधारित आहे. मृणालने यात ‘यशोदा’ नावाच्या आईची भूमिका साकारली आहे.

“फॅमिली स्टार” (२०२४) :

‘द फॅमिली स्टार’ हा तेलुगू भाषेतील एक रोमँटिक ॲक्शन ड्रामा चित्रपट आहे. या चित्रपटात विजय देवरकोंडा आणि मृणाल ठाकूर प्रमुख भूमिकेत दिसले आहेत. चित्रपटाची कथा गोवर्धन (विजय देवरकोंडा) या मध्यमवर्गीय कुटुंबातील तरुणाभोवती फिरते. तो मोठे स्वप्न पाहणारा आणि कुटुंबासाठी काहीही करणारा मुलगा आहे. त्याचे जीवन कौटुंबिक जबाबदाऱ्या, नातेसंबंधातील गुंतागुंती आणि वैयक्तिक संघर्षांमुळे प्रभावित होते. इंदू (मृणाल ठाकूर) ही गोवर्धनच्या जीवनात कशी येते आणि त्यांच्या नात्यातील प्रवास कसा घडतो, हे चित्रपटात महत्त्वाचा भाग आहे. कुटुंबातील नात्यांतील संघर्ष, प्रेम, समज-गैरसमज आणि जीवनातील स्वप्न यांचा सुंदर संगम या चित्रपटात पाहायला मिळतो.

पुरस्कार आणि सन्मान :

‘तूफान’ (२०२१) या चित्रपटासाठी तिला दादा साहेब फाळके एक्सलन्स अवॉर्ड (OTT) मध्ये विशेष सन्मान मिळाला.

२०२३ मध्ये मृणाल ठाकूरने “सीता रामम” या चित्रपटासाठी साउथ इंडियन इंटरनॅशनल मूव्ही अवॉर्ड्स (SIIMA) मध्ये सर्वोत्कृष्ट पदार्पण अभिनेत्री (तेलुगु) आणि सर्वोत्कृष्ट अभिनेत्री – समीक्षक असे अनेक सन्मान प्राप्त केले.

मृणाल ठाकूरला GQ इंडिया कडून ‘मोस्ट इन्फ्लुएंशियल यंग इंडियन’ पुरस्काराने सन्मानित करण्यात आले.

‘सुपर ३०’ मधील दमदार अभिनयासाठी तिला ‘फिल्मफेअर सर्वोत्कृष्ट पदार्पण (महिला)’ या कॅटेगरीसाठी नामांकन मिळाले होते.

लोकमत स्टाइल अवॉर्ड २०२३ मध्ये मृणाल ठाकूरला ‘मोस्ट स्टायलिश एक्ट्रेस’ या सन्मानाने गौरविण्यात आले.

वारंवार विचारले जाणारे प्रश्न (FAQ) –